انا ..هي
بقلم : الشاعرة علا عبد الدايم
انا هى
انا علا
بنت الست الطيبة
الست الاميرة الحنينة
الست اللى ربت وطبطبت
انا امى
لما كبرت لقيتنى هى
بكل حياتها وتفاصيلها
فى دعواتها وفى الحنية
لقيت بحر من الامان
لقيت فيض شوق وحنان
لقيتنى امى وانا هى
ومع بنتى نفس طباعها
فى شجارها وفى عتابها
وقسوتها ودعواتها
متكررة متعادة بنفس اسلوبها
اوقات كتيير فرحانة
واوقات برضة متكادة
قومى زاكرى
كفاية نوم يا بنتى قومى
الدنيا متفاتة
شوفى ايامك واحواللك
انا هامشى
فاشبعى منى بزيادة
فات الكتيير مبقاش الا القليل
انا هنا وبكرة هاكون متفاتة
يا امى الحزن كان مالى عيونك ومكنتش فاهماه
ودلوقتى بنفس اللوم مع بنتى
نفسى اشبع من دفاها
قبل ما امشى واكون سايباها
نفس دعواتى ليها
نفس ترتيلى لايات الله
يحفظها ويرعاها
قلبى يا امى قطعة منك
وكانى انا امك وانتى بنتى
اتنين فى قلب واحد دم واحد
اسمحيلى يا امى اكمل مسيرتك
وادى لبنتى جزء منى ومنك
قلبى وقلبك بمحتواها
ومسيرها يا امى هاتكون زى وزيك
وبدعوة صادقة تعيش ونعيش بدعاها
ونرزق الجنة بدعواها
حبيبتى يا امى وحشتينى
ومهما اقول مش هايكفى ولا يوفى دعوة واحدة من قلبك
ولا بوسة على خدى
ولا حضن يدفينى
حبيبتى يا امى وحشتينى
ده الحزن فى قلبى مململينى وجننى
ماعارفة ارتاح وحشتينى
يا نهر جف بعد ما سيبتينى
وقلبى من يومها رافض يواسينى
ودمعى عليكى دايم
وكاءن انتى اللى دفنتينى
دايمة يا امى بكل مكان
باختى واخويا وولادنا كمان
مهما اقول او اعيد
برضة مش هايكفينى
اللحظة معاكى بسنيين
وانتى عايشة معايا من لحظة تكوينى
بس انتى غيبتى وغيابك طال
وانا صبرى نفذ ومحال
استنى يا امى
انا جاية علشان اضمك
وارجع تانى لحضنك
اللى هو دنيتى
ياللى نشأت من رحمك
ومن قلبك ومن دمك وتكوينك
يا كلى وانا جزءك
بحبك يا كل الدنيا
يا كون انا مفتقداه
انا جاية نكمل بعضنا
دانا منك
وانا انتى
وحشتينى
ليست هناك تعليقات