عيد الأبطال
كلمات الشاعر :محمد علي راشد
عيد الأبطال.. عيد العمال
علوا البنيان في كل مجال
ادي الزراع... وادي الصناع
بادين مصريه..تهد جبال
دايسين ع الصعب بعزم رجال
..........
بالايد في الايد ماشيين صامدين
مطرح ما يخطو نشوف بساتين
في القلب شموع ..وعلم مرفوع
وبروح النصر ..عبروا ..الأهوال..
وتعيشي يا مصر..يا ام الابطال..
.........................
بيعدو.. جسور.. رايحين للنور
ما شيين بثبات بيخطو بحور
رافعين الراس بشموخ وحماس
بيقولو يا مصر ..احنا العمال
ح نخطي الصعب وكل محال
..........................
في قلوبنا هتاف ..فاق الأوصاف
نهديه الروح ..ولا يوم ح نخاف..
ولا زي بلادنا ...غلاوة ..بلاد
وح تفضل مصر ..مدى الأجيال
ارض الابطال ..بلد ..العمال ...
................
الشاعر محمد علي راشد
ليست هناك تعليقات