قسما بحق جلال الله
بقلم الشاعر مصطفى البحر
انا عمري ماخفت.الا عشانك
والخوف من خوفي
اصبح خواف.
والحيه في وسط الناس
بتبخ السم زعاف .
بيقيد النار ..وبترقص ويا الناي
وتغني كمان .
ورفاعي يدقلها المزمار .
والناس رايحين جاين
ولاحدش قرب .ولاحدش شاف
وانا قلبي عصايه لكن غاويه
تلعب بالسحرا وبالساحر
وتفوًت على ايها فاجر
بيحب يغامر ويتاجر.
يتحكم في قلوب الخلق .
ويقول الباطل بدل للحق .
مسيخ دجال لكن بعنين
في العين الشمال جنه
والنار في العين اليمين
وانا قلبي امام .
وما لهش مقام .
لكن جواه.جناحين لحمام
ليلاتي يجو لعشتك.
ويونسوكي في وحدتك
ويعلموكي لغه الهديل.
يقرو عليكي البسمله .
ويهدو سرك.ويكونو سرك
ويعدو بيكي سنين عجاف...
قسما بحق جلال الله
انا عمري ماخفت الا.عشانك
والخوف من خوفي
اصبح خواف..
ليست هناك تعليقات