جبل عتاقة
كلمات الشاعر مصطفى البحر
جبل عتاقه بيطلع لسانه
ويقولي جيتلي تاني
بعد الغربه والتوهان
والدمع .الطالل.من عينك
مكسور ..مجروح .. متهان
انا كمان ماعادش ليا أمان
بص بعينك قدامك
ع الشط التاني .
الدهشه حتصيب الجميع
الخواجه الالعوباني .
وطابور الانتشار السريع .
لو شاطر حل الفوازير
طول عمرك في الشعر امير
جبل عتاقه ماعادش زي زمان
اول طريق الانبيا.
وممر الصالحين .
مين كان يصدق .
انه شاهد ع الخيانه
ع العماله .ع المقاوله
والمؤامره ع الغلابة المحرومين
حل الفزوره مع نفسك
وسيب دموعك تتكلم
وقول كمان الي في نفسك
ولسه ياما حتتعلم .
واعشق على قد ما تعشق
واكتب في كلام ومعاني .
جبل عتاقه بيطلع لسانه
ويقولي جتيلي تاني ...
ليست هناك تعليقات