الطيب دايما كسبان
بقلم الشاعر أحمد نبيل
مين بيقول ان الطيب تعبان
وان صفاء القلب جنان
وان الناس والدنيا خلاص
مش راح تبقى زي زمان
لا والله كلام خيبان
لسة بخير والنية الصافية ملاك بيطير
بترفرف وفي كل مكان
ولعلمك اقول لك على حاجة
لو بتصدق "الطيب دايما كسبان"
اول حاجة حب كتير من كل مكان
خد دي كمان
انت بتتقلب لساعات
وهو بيسند راسه ينام
ضحكو عليك وقالو لك غابة
رحت مكشر عن انيابك للأيام
تكسب ايه وانت بتتغابي
بتحارب نفسك ياحرام
والطيب عاش وسط غلابة
قلب ابيض والحالة تمام
انا عارف مش راح هتصدق
واعذرني بقول اي كلام
ليست هناك تعليقات